愛生活‧愛旅行

去新加坡前，在utravel及網上不斷尋找新加坡必食．因為我媽真係一位餵食鬼，所以要搵好野比佢食．但未講係新加坡食咩前，介紹下飛機上的特別餐．

其實坐飛機我好少食飛機餐，因為上機前已係lounge食飽，上機便可訓覺．但今次要看住爸媽，係飛機上都要緊守剛位，所以就試下特別餐．

老公order的是印度餐（左），佢話好食，不過太spicy；我order的是素菜餐（右），勁好食，仲有竹笙．不過回程個素菜餐就碼碼．下次大家坐飛機，可以試下特別餐．

好啦，開始講下係新加坡食咩．

１海南雞飯：

Seah Street，瑞記海南雞飯

這間海南雞飯不是最出名，但最出名的天天個food court裝修，我地見呢間係酒店附近，咁就試下．但味道碼碼，我地酒店附近food court個間海南雞飯，比它更好食．

２亞坤

我諗唔駛好介紹，大家都知去食toast．今次去見有toast磚，諗住試下，但就失望囉．．．我地以為個醬係放入toast磚入面，原來只係比個醬你另外點．

３肉骨茶．我地試左兩間．

第一間，松發．在clark quay, hill street

其實之前已試左黃亞細，但在新加坡最後一日，食多次啦．當然無黃亞細咁好食，但價錢比黃亞細平．不過服務就真係碼碼，為左錯order，其個亞姐不斷噪，不斷問責．

 

第二間，黃亞細．

食肉骨茶，人人都會介紹去黃亞細．但去Farrer Park個間，最好坐的士．因為MRT行去都遠，係街尾．好食當然貴，但服務又係碼碼，可能出名掛．

但好奇怪，新加坡任何食店，包括food court，服務都好好．唯獨肉骨茶店就勁差服務，又或者我地咁啱兩間都係咁啦．

4咖哩蟹

新海山是最出名．當日我地除了食蟹，老板仲介紹個魚煲．真係唔錯，裡面真係有石斑，湯又濃．

話雖新海山係兩個MRT站附近，但坐的士會方便好多．

５老巴剎

一心諗住去老巴剎食天天海南雞，點知裝修，諗住失望而回，原來一大埋串燒檔係地盤外開檔．

其實除串燒，麵飯，印度野都有．

６food court

其實我地酒店http://www.utravel.com.hk/blog/sandy/?p=565附近已有幾個food court．等我慢慢介紹下．

第一間，我地酒店其實係大學區，所以好安靜．係最近MRT Bras Basha站內，就有一個food court，主攻大學生．

 

雖然係food court，海南雞飯仲好食過外面

自己選配料粉麵，價錢唔貴．

第二間，係Bugis night market

night market好熱鬧，又好多野食

呢隻ball，有kaya味及榴槤味，好食，得意

藥材雞．係印尼食過好正，諗住係度試，但完全不是個回事．印尼舖係將藥材直接放入雞內煮，所以雞肉好有藥材味，真材實料．但呢度，只係將雞放入藥材湯，係好大陣藥材味，但雞肉係無藥材味囉．

７聖濤沙

一心諗住去人人話出名的聖濤沙馬來西亞food court食野，所以避開星期三去，因為星期三food court休息．點知老人家到沙灘已話肚餓，諗住先食少少醫肚，再去馬來西亞food court．點知食完後落雨，兩老要打道回府，所以結果無去食．

可能我地去時是平日，沙灘只有幾間舖開，呢個係其一．媽咪來了新加坡後，愛上這種pizza．

更多相片於: https://www.facebook.com/media/set/?set=a.394202870682680.1073741835.188715641231405&type=3

剛從新加坡回港．老實講，新加坡絕不是我杯茶．因為之前旅遊加上工幹途經，十隻手指都數不夠．但因為爸媽想去，唯有又去啦！

新加坡最近幾年，無論機票或酒店或景點都貴左好多，而且帶長者旅行要顧及很多．話雖不是第一次帶爸媽去旅行，但旅行前之預備始終絕不簡單，其一是住方便．因為長者要睡午覺，又要方便交通．而我爸媽就更多一個考慮，就是要有電視睇．佢地鍾意睇電視程度，簡直驚人，飛機上的電視，他們都不會錯過．

講返住方便，經多方面資料，包括網上評論，過來人經驗．結果，我選了這間：http://www.hotelgrandpacific.com.sg/　Hotel Grand Pacific

１地點：

酒店附近有三個MRT地鐵站，每個約行五分鐘．但我地經常去的，就是Bras Basah．另外，酒店近巿中心，但又不在巿中心中間，所以旺中帶靜，無咁多人．

２景點

酒店其實都近好多景點，步行亦可去到，包括摩天輪，Clark Quay，City Hall等．當然如與長者一齊，坐的士亦不太貴，約十元新加坡幣．

３服務

在評論中，已知道酒店服務好，但親身經歷後，你才知有幾好．

首先，評論中有講可以提早入住，這點對我來講很重要．因為我地早機，兩點前已到酒店，酒店已安排房間給我們，讓爸媽可以係長途旅程後休息下才去玩．

另外，因機票問題，我地晚機才回港，所以我詢問酒店可否遲離開．早一晚詢問時，可能該位服務員是高職位掛，她無奈地答應，只可安排一間房間延至一點．但我不服氣，第二天早上再問另一位服務員，他一口便答應，兩間房可以兩點才離開．勁開心，因為早上玩完，爸媽可以休息一陣才離開酒店．

除了住宿安排上，無論執房，門僮都好好禮貌．

４住客

我最怕酒店住客多旅行團或國內人．但這酒店可能是商務型式，不太留意到有旅行團及國內人．而酒店內或樓層都非常安靜．

５價錢

老實講，新加坡酒店價錢只會越來越貴．就算如hostel般酒店，價錢都唔平，錯不多一千元港幣．而Hotel Grand Pacific，我在agoda訂房，約一千二百多元港幣一晚一間房全包．雖然貴幾百，但包晒以上之好處，我覺得都值得．

 

更多相片於: https://www.facebook.com/media/set/?set=a.394202870682680.1073741835.188715641231405&type=3

法文班終於升班了！

我與兩位同學相約一齊升班，另外初班的老師好好人，所以我們相約報讀她教的班，點知.....

新一班只有六位同學，即除了我們三位舊生，就只有三位新同學。第一堂，三位新生全消失，所以我們三位可以享受私人教授！第二堂，終於見到其中一位新生，原來第一堂她被職員點左去初班，之後她發覺唔妥，所以致電學校先知攪錯。雖然班內多了一位同學，但與初班十幾位同學上堂相比，真仍未習慣！

另一個問題是有關老師。第一堂當我踏入學校，舊同學已報了個壞消息，老師今天不來上堂。原來比利時籍老師的工作簽証仍未批出，她未能教學。學校安排了一位法籍代課老師，她講法文快，教書又快，上完堂真有㸃虛脫！

聽代課老師所講，比利時老師的簽証最快下星期才可批出，否則會改為另一位老師教。唉，希望下星期老師可以回來，同學都可以回來啦！

1http://hk.apple.nextmedia.com/realtime/china/20131006/51786675

今天在報紙看到這個新聞：香格里拉導遊恐嚇：不交錢刀架脖子上

其實我自己一點也不愕然，因為我也曾參加大陸旅行團，所經歷的雖無這段新聞嚴重，但卻可以讓我誓言，死也不再參加大陸旅行團！

事原幾年前我與丈夫到杭州自由行，途經該地一旅行社，被千島湖一天團所吸引著，繼而進店詢問。當然，售團員什麼都表示無問題，你想旅遊車在什麼地方接送都無問題。我們就被他們的假承諾所騙而報團，但原來我們卻慢慢步入惡夢的一天。

其實由旅遊車在酒店接我們，直至由千島湖回程間，大致ok，只是在旅遊車座位安排上有點衝突。但相比之後發生的，座位問題已微不足道。

其實我們訂團時，本以後整天是千島湖遊，但原來當中包括了兩個景㸃，一個是賣首飾，一個是賣棉被，事情是發生於參觀最後一個景㸃後。當參觀棉被店時，突然停了幾十架旅遊車，幾十個團入去店參觀！不知為何，我突然想跟我旅遊車的領隊再問清楚，旅遊車是否直接送我們回酒店，領隊回應：一定！之後幾十團人就進店參觀！但當大家從店出來後，大家被分到不同旅遊車回程，甚至領隊都不同人。

當旅遊車開始開車，我便問領隊，旅遊車是否直接送我們回到酒店。㸃知這位新領隊回應：不可以！我便根他理論，表示之前的領隊話可以的。點知領隊凶神惡剎話，之前個領隊話你就信？咁我都話你知，西湖會有飛機在馬路上飛過，你信嗎？之後我就更氣，我叫他致電我之前的領隊問清楚。㸃知之前個領隊話，她無應承過，之後仲斷線。有無攪錯，講過野可唔算數！之後我勁煩個領隊，結果佢死死安排車送我們回酒店！

這個經歷實在太離譜，又不合理！所以以後，我真的死也不會再參加大陸旅行團！