愛生活‧愛旅行

Dans La Maison 都算做幾hit的電影，當在香港上映時都有打算去看，但結果沒有，最近得閑就睇！

法國電影好得意，劇情古古怪怪咁，但背後內容好有意思！故事講男主角利用幫同學補習而進入同學的家庭中，而男主角亦將事件分享給他法文老師知道！

好喜歡電影的音樂，其次是開場部份。學校操場由一個人，慢慢越來越多人，當中拍攝技巧好好。

片尾，男主角與他老師坐在長椅上看大廈內每一家，從中帶出故事信息，每個家庭都存在一個故事！

人人都話好看，更拍了續集，今天我才一口氣看完。

自問，我較喜歡續集，春嬌與志明。可能兩位主角比第一套成熟，而故事較之前實整！

第一集，初相識，來來去去都是那幾種結識方法，他們的更是屬悶那一種。沒有驚喜、沒有激情。

第二集，分開。以常理及普遍戀愛歷程，追求必比投入了感情好睇，今次剛相反。無可否認，外地相遇是老土一點，但市場受就可啦。並且當中的爛gag及口頭哨，更曾hit過一排。「每個人都曾遇上一個仆街」。其實樂仔不算太仆街，更仆街的多的是。

快去日本，現安排行程中．在行程中，我會到一個古街，讓我想起台灣都有一舊街，鹿港．

鹿港不可話好大，亦不可話細．但步行亦可．

鹿港文物館

鹿港車站．當然是新車站啦，現是旅遊服務中心．

進士家．

摸乳巷．其實是一條很窄的巷．

鹿港舊街

台灣的藝術幫助比香港好好多，這排屋是比藝術團體借用．

（更多相片於：http://www.facebook.com/media/set/?set=a.328636353905999.1073741826.188715641231405&type=3　）

橋咀島，可能好多人去過．但我呢個所謂香港人，真的第一次去，好out!!!　

老實講，橋咀島無其他島咁多野行，咁多野睇．但始終都叫做世界物質公園，而且真係好多與其他島不同的石理及地理環境．

無諗過，落左成個星期雨，突然好天，點都要出去出去出去．．．

係西貢碼頭坐呢隻小艇去，唔係好遠．

 橋咀島真係唔大，只係得落船的大島，與對面的小島．原來電視成日話潮水漲可見，潮水退無唔見的小石路，就係呢度．你話我幾out！=…=

不枉為物質公園，係碼頭已見到豆腐石．

我呢個out人，唔識什麼潮漲潮退，只見條路仲係度，立刻去左對面先．原來傻人真係有傻福，點解？之後你就知．

係呢條石小路，已好滿足我呢個好奇人．

其實唔係好明，點解D石頭會有不同顏色．．．有無人可以解答我呢？

過左小石路，我地就行上山啦．．．其實唔係好長路咋．

沿途有不同植物睇．

行左一個鐘左右，我地就返轉頭啦．此時去到小石路，已開始水漲．

我地仲係度影什麼在水中央相片，什麼兩面水一齊交集的相，完全無理遲來人的感受．睇下佢地行得幾辛苦，但原來，this is the beginning.

提外話，我仲想問，點解呢面水的顏色係紅紅的，但另一面就唔係？如答晒我兩條問題，有禮物．．．

返到大島影多陣，我地就坐船走．

原來碼頭旁係個沙灘．水好清，但好大風．

等船時先發現，原來成條小石路已無左啦．諗返剛剛去班遲過島人，真係笑唔出．見佢地係水深到小腿，慢慢咁踩石返大島，真係危險．

返家後上網睇返，原來好多人都唔會理水漲水退時間．有人甚至分享，小石路唔見左，又要顧攝影器材，又要小心濕身，好慘．所以我有個提示．．．

溫馨提示：記得早上過小石路．

（更多相片於：http://www.facebook.com/lovelife.lovetravel　）